294 
CORRESPONDANCE 
par ses ordinaires supositions. Je vous envoyé doncques une 
copie de l’un et de l’autre escript, affin que vous sçachiez au 
vrai ce qui est advenu en ce faict depuis le partenient du dit 
Montglat. Je ne puis croire que mon cousin l’électeur Palatin 
veuille préférer l'injustice de la cause du dit duc à la justice 
de la mienne, ny son amitié à celle d’un Roy de France, qui a 
tousjours affectionné sa prospérité, et qui a plus de moyen et 
de volonté que jamais de la favoriser ; de quoy j’aurois grand 
regret d’estre déceu de ceste opinion là. 
J’ay receu vostre dernière, apportée par le présent messa- 
ger David, laquelle j’ay trouvée sans datte (1). Jen’ay pas dé- 
libéré, pour la guerre de Sedan, de discontinuer mon secours 
ordinaire aux Estats du Pays Bas et en faveur des Suisses. 
L’armée que j’ay dressée contre le dit duc de Bouillon seroit 
mieulx et plus volontiers par moy employée, que contre cest 
opiniastre; mais il importe tant à mon autorité, pour le pré- 
sent et pour l’advenir, que je en aye la raison en une sorte ou 
autre, que je ne puis ny doibs me départir de ce dessein sans 
que j’en sois satisfaict. 
Chacun tient la paix entre l’Empereur et les Hongrois pour 
arrestée, ainsy qu’il est porté par vos dites lettres. Mais si les 
Turcs n’y entrent, je ne pense pas que l’autre dure, ny mes- 
mes s’effectue; en tout cas, il faudra que l’Empereur demeure 
tousjours armé contre les dits Turcs, lesquels ont naguères 
(1) Cette lettre ne s’est pas retrouvée, elle était vraisemblablement écrite en 
chiffres, ainsi que la suivante du 15 mars 1606 (n° LXXI ci-après, p. 300), 
que nous donnons d’après une ancienne traduction.