232 
CORRESPONDANCE 
nir de moy la dite grâce, laquelle ne sera oncques desniée à 
ceux qui la rechercheront et s’y confieront, comme ils doivent. 
Et s’ils aiment mieux qu’il se justifie par la voye de la justice, 
je les ay assurés qu’elle luy sera ouverte, aplanie et mesmes fa- 
vorisée et facilitée par moy, avec telles seuretés qu’il convient. 
Or, ces princes estans mes amis comme ils sont, et affectionnés 
au salut du dit duc de Bouillon, pouvoyent ils attendre et obte- 
nir de moy une responce plus juste, débonnaire et favorable; 
après laquelle, si ledit duc de Bouillon ne s’efforce de mé con- 
tenter par effects convenables, ou se justifier, méritera il après 
qu’ils intercèdent pourluy, ou l’estiment si innocent qu’ils l’ont 
mescreu jusques à présent? Il ne peult s’excuser et retenir de 
ce faire sur mon courroux et indignation (comme il a souvent 
allégué pour couvrir sa contumace du prétexte du péril que 
courroit sa personne s’il se représentoit en justice pour se pur- 
ger), sans ouvertement m’accuser d’injustice, chose de laquelle 
je n’ay encores donné occasion à personne de me reprendre et 
soubçonner, ayant tousjours, et envers tous, plustost excédé 
en clémence qu’en sévérité, comme chacun a veu et plusieurs 
ont esprouvé. Et je croy fermement que le dit duc de Bouillon 
mesme n’en doubte aucunement, car il me cognoist mieux que 
nul autre; mais les termes auxquels il se retrouve, de quoy je 
suis aussy marry que luy mesmes, le contraignent de s’aider 
de toutes sortes de couleurs et moyens pour deffendre sa cause, 
et conserver, avec sa réputation, ses amis. 
Voilà ce que je vous escriray, pour le présent, sur ce subject, 
qui est conforme à ce que j’en ay dit au capitaine Widemarkre