194 
CORRESPONDANCE 
qu’ils ont faict avec moy, il n’aura grand subject de s’en louer. 
J’ay encores découvert, ces jours passés, une nouvelle partie 
et conspiration, qu’ils avoyent dressée contre mes enfans et 
mon royaume, laquelle a esté, par la grâce de Dieu et la vi- 
gilance de mes bons serviteurs, renversée, comme les précé- 
dentes, ainsi que vous dira le dit Widemarkre. (1) 
Au reste, j’ay pris en bonne part la requeste qu'il m’a faicte 
de la vostre, car je suis sy asseuré de la perfection et sincérité 
de voslre amitié, que je croy fermement que vous n’avez esté 
poussé à ce faire, ainsy qu’il m’a protesté, que de la seule con- 
sidération de mon propre bien et honneur ; et néanmoins re- 
cognoissant ne pouvoir condescendre à vostre désir en ceste 
occasion, avec ma seureté et dignité, comme il convient, les 
choses estans aux termes où elles sont, pour les raisons que 
j’ay dictes au dit Widemarkre, je vous prie estre content de la 
responce que je lui ay faicte sur ce, et croire que, pour vostre 
considération je me serois eslargy davantage, si j’eusse peu 
trouver moyen de le faire honorablement et utilement. Mais il 
est difficile de garir un malade qui non seulement rejecte les 
remèdes propres à sa garison, mais qui préfère ceux qui luy 
sont les plus contraires et nuisibles aux plus salutaires, ainsi 
que faict celuy duquel m’a parlé le dit Widemarkre; comme il 
(1) Ce fait se rapporte à la trahison d’un secrétaire de Villeroy, qui s’était 
laissé corrompre par la cour de Madrid. On vit, bientôt après surgir la con- 
spiration de Mérargues, également fomentée par l’Espagne. (V. Flassan , 
p. 231-232 tom. II , et les Mémoires de Sully (Collection de Petitot, 
tom. V), ainsi que les lettres suivantes.