DE HENRY IV. 
91 
pagnols contre mon estat; c’est un crime de lèze majesté au 
premier chef, duquel la justice et conoissance appartient, 
privativement à tous autres parlemens de mon royaume ( es- 
tant mesmes question de persones de sa qualité ), à celuy de 
Parys , où il y a une chambre establie comme ailleurs pour 
rendre justice à mes sujects de la dite religion ; de laquelle 
nul d’iceux ne s’est encore plaint depuis sa création. Mais je 
n’avois encore pensé ny parlé de mettre ledit duc de Buillon 
en justice ; je faisois estat seulement de l’ouïr, et moy mesmes 
prendre conoissance du fait, entendre ses raisons et favoriser 
sa justification de tout mon pouvoir, devant que de l’exposer 
au jugement de mes officiers, pour l’affection particulière que 
luy porte. Dont, si on luy a donné ou s’il a pris autre impres- 
sion, il m’a fait grand tort et à luy aussy, car comme il a esté 
nourry auprès de moy, et qu’il en a reccu tous les honneurs , 
dignités et biens qu’il possède , il a deu mieux conoislre mon 
naturel, du tout adonné à la clémence et à la rectitude. Cela 
seul est suffisant pour faire croire à tout le monde que sa 
conscience a troublé son jugement, et de faire estimer vérita- 
ble ce dont il est accusé ; chose que personne ne pouvoit 
croire : de quoy je vous diray de rechef, mon cousin, que je 
suis très déplaisant, et je le seray encores plus s’il entreprend 
de troubler le repos de mon royaume, sous quelque prétexte 
que ce soit. Pour les raisons que je vous ay escriles par ma 
dite première lettre, je continueray à vous tenir adverti de ce 
qui en succédera. 
Cependant je vous prie me faire sçavoir de vos nouvelles, et