des si dir lop und ere geseit, ... 
Marja künigin. 
du gaebe in uns ze trost, der al der werlt inac swaere biiezen. 
Sünder, du solt an die grozen not gedenken, 
5 die got durch uns leit, und solt din herze in riuwe senken, 
sin lip wart mit scharpfen dornen gar verseret: 
dennoch wart manicvalt sin marter an dem kriuze gemeret: 
man sluoc im drie negel dur hende und ouch dur füeze. 
jamerlichen weint Marja diu siieze, 
10 do si ir kinde dez bluot üz beiden siten fliezen sach, 
trüreclichen Jesus von dem kriuze sprach 
'rnuoter, ja ist iuwer ungemach 
min ander tot. Johan, du solt der lieben sweere büezen.' 
Der blinde sprach zuo sinem knehte p dü solt setzen 
15 daz sper an sin herze: ja wil ich die marter letzen.’ 
daz sper gein al der werlte herren wart geneiget. 
Marja vor dem kriuze trürecliche klage erzeiget; 
si verlos ir varwe, ir kraft, in bitterlichen noeten, 
do si jaemerlich ir [liebez] kint sach toeten 
2ü und Longinus ein sper im in sin reine siten stach, 
si seic unmehtic nider, [daz] si [niht] horte noch ensprach. 
in dem jamer Kriste dez herze brach: 
daz kriuze begunde sich mit sinem süezen bluote roeten. 
r V 
X umbiu Werlt, ziuch dinen zoum, wart umbe, sich. 
25 wilt du lan loufen dinen muot, sin sprunc der vellet dich, 
derst manicvalt in dinem herzen unbekort: 
er schadet dir hie und ist ein langer haz der sele dort, 
la guoten muot den boesen muot von dir vertriben: 
ininne got, so mäht du fro beliben: 
30 wirp umbe lop mit reinem guote, wellest du genesen: 
den boesen solt du iemer gerne unheinlich wesen: 
geloube swaz die pfaffen guotes lesen: 
wilt du daz allez übergülden, so sprich wol den wiben. 
(jrenuoge herren sint gelich den gougelaeren, 
35 die behendecliche kunnen triegen unde vseren. 
der sprichet C sich her, waz ist under disem liuote?’ 
nü zucke in üf, da stet ein wilder valke in sinem muote*