© Hessisches Staatsarchiv Marburg, Best. 340 Grimm Nr. L 213 
32 
ERSTES BÜCHLEIN. %<■ lo3> 
so gen ich dicke durch list 
da rede von guoten wiben ist 
von den die si erkennent. 
sös denne de besten nennent 
und sagent waz diu tugende hat 155 
und rüegent anderr missetät, 
so swige ich vil stille, 
und wsere daz min wille 
daz mich etswer an ir raiche 
und ir iht arges Sprache 160 
daz ich von ir vernaeme 
daz wibe missezaeme, 
etelichiu maere 
daz si mir unmaere 
und deich ir vient müese sin. 165 
so tuont si niht den willen min, 
wan so hoere ich niht wan einen munt, 
in si niht bezzers wibes kunt. 
dar an gewinne ich danne me 
wan daz mir wirt wirs dan e. 170 
ouch hete ich hie vor den sin, 
des ich nü leider ane bin, 
swenne mirz din gwalt ervunde, 
daz ich ouch erkennen künde 
ein guot wip als ein ander man. 175 
got weiz wol daz ich niht enkan 
an ir erkennen wan guot, 
lieze si den einen muot 
den si wider mich nü lange hat. 
herze, nü sprich, waz ist din rat? 180 
Dü hieze mich ir dienen ie: 
daz taete ich gerne, wiste ich wie. 
151. gen Lachmann] gedenck d. einen list 153. von der 
154. so sy denn die 156. der andern 165. daz ich 167, dann 
ainen 168. weybe 169. dann nicht me 170. wirser 
172. nü 1.] von laiden 173. Hertze wann — gewalt erwunde 
178. sy nur den 179. hat] gehabt hat