entriuwen ez sol anders varn: 
ich kan daz harte wol bewarn, 
swer vierzehen tage erbitet, 
daz er vor mir niht enstritet. 
wan ich sol in disen drin tagen 
des endes varn, und niemen sagen, 
in den walt ze Breziljän, 
suochen unz ich vunden hau 
den stic den Kälogreant 
so engen und so ruhen vant. 
und da nach sol ich schouwen 
die schoenen juncvrouwen, 
des erbseren wirtes kint, 
diu beidiu also hövesch sint. 
So gesihe ich, swenne ich scheide dan, 
den vil ungetanen man 
der da pfligt der tiere. 
dar nach so sihe ich schiere 
den stein unde den brunnen : 
des müezen si mir gunnen 
44 daz ich in eine begieze, 
ich engeltes oder genieze. 
desn wirt nu niemen zuo gedaht 
unz ichz habe volbräht: 
bevindent siz so ez ergät, 
des wirt danne guot rät.’ 
alsus stal er sich dan 
und warp rehte als ein man 
der ere mit listen 
künde gevristen, 
und kom da er die knappen vant. 
den besten nam er da zehant,