40 DIE WINSBEKIN 
t 21 'Du bist der sinne üf rehtem wege: 
des fröuwe ich mich, vil liebez kint. 
behalt si wol in diner pflege, 
daz dich diu Minne iht mache blint. 
5 vil wisiu herze erkindet sint 
von ir gewalt: dest mir wol kunt. 
die rede ze heine niht enhint. 
wiltu dich ir gewaltes wern, 
so muoz got dinen jungen lip 
mit siner starker krefte nern.’ 
22 'Min herze ich selbe erkennen sol: 
der Minnen kraft ist mir unkunt. 
ich spriche ez ungeriiemet wol, 
ichn wart nie von ir stralen wunt 
5 und lebe noch der not gesunt. 
diu Minne weiz diu herze wol 
diu si mac twingen üf den grünt, 
der herzen ich niht einez trage 
daz von der Minnen meisterschaft 
an siner werdekeit verzage.’ 
28 e 0b hundert tüsent herzen kraft 
in einem herzen möhte geligen, 
ir ungemezzen meisterschaft 
im möhte kürzlich an gesigen. 
5 si hat vil starkiu herze erstigen. 
künc Salomön, swie wise er was, 
ir wart sin herze niht verzigen. 
wil si dir in din herze smiden, 
des mahtu niemer dich erwern, 
dichn welle aleine got bevriden.’