DIE WINSBEKIN 
9 'Sint wisiu wort den werken bi, 
so ensint die sinne niht betrogen: 
sint aber si guoter werke vri, 
so sint diu wisen wort gelogen. 
5 von neste ein vogel ze fruo gevlogen 
der wirt den kinden lihte ein spil; 
die vedern werdent im enzogen. 
als mac dir, liebez kint, geschehen, 
hastu in jugent gar wisiu wort 
und last dich tump an werken sehen.’ 
10 'Sint miniu wort wis ane werc, 
des lobe ich niht: ez ist ein wiht. 
waz solte mir ein guldin berc 
des ich geniezen möhte niht? 
5 ein ouge lieht daz niht gesiht, 
daz zeiget selten guoten wec. 
waz ob diu sselde mir geschiht 
daz ich in beiden obe gelige 
und diner lere volge so 
daz ich Untugenden an gesige?’ 
11 e Got gebe daz dir din dinc erge 
als du hast willen und gedanc. 
waz wil ich danne fröuden me, 
wirt din lop niht von schulden kranc? 
5 des sagent dir die besten danc. 
weist du niht wie diu siieze maget 
Lünete nach lobe mit tilgenden ranc? 
vil lihte ouch dir daz heil geschiht, 
ob man dich niht durch frien muot 
üz wibes tugenden brechen siht.’