Full text: Der Winsbeke und die Winsbekin

24 
DER WINSBEKE 
62 c Sun, dise red uz dem herzen din 
gesprochen hat ein wiser geist. 
ich freu mich in dem herzen min 
daz du von gote als vil weist. 
5 dins rätes wil ich sin volleist: 
wan dä stuont ie min wille nach; 
doch liez ichz durch dich aller meist, 
ich hän gelebet nu lieben tac, 
daz du ze gote dich wilt ergeben 
und ich mit dir gebiiezen mac. 
63 Sun, swaz ich fröuden ie gewan, 
die sint bi disen fröuden blint, 
sit ich von dir vernomen han 
daz dir die sünde unmaere sint. 
5 ich sage dir, herzeliebez kint, 
wir koufen in dem sacke niht 
(an dinem muote niht erwint), 
ob wir hie unser zwivelleben 
umb einez daz uns iemer wert 
mit fröuden willecliche geben.* 
64 Uz ougen muost er wangen baden: 
von herzeliebe daz geschach. 
der sun sprach c vater, ir tuont iu schaden: 
ir volget wibes siten nach, 
5 diu man ie lihte weinen sach. 
da hoeret niht wan fröude zuo 
und hie des libes ungemach. 
jä ist ez niht ein kinde spil, 
der mit des libes arebeit 
ze rehte sünde büezen wil. 5
	        

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.