DER WINSBEKE 
59 Vater, alter lip und müediu lit, 
diu zwei sint din mit voller habe, 
du waere e snel: nu gät din trit 
ze nahen leider bi dem stabe. 
5 dä grüset mir von schulden abe, 
ob dine schulde manicvalt 
dem libe volgent hin ze grabe, 
din rät ist kranc, ob daz geschiht. 
des mannes wistuom ist niht guot, 
ist er im selben wise niht. 
60 Vater, wisem manne schöne zimet 
daz er tuo wol mit staken siten. 
dä bi ein tumber bilde nimet, 
daz lihte würde sus vermiten. 
5 ein gar alt man mit tumben siten, 
der niht bedenket waz er ist 
und waz got durch in hät geliten, 
der ist in tören aht gemuot. 
ez ist ein lop ob allem lobe, 
der an dem ende rehte tuot. 
61 Vater, mit urloube wil ich dir 
min herze entsliezen über al: 
ezn mac sich niht verheln in mir. 
du solt für diner Sünden val 
5 legen üf din eigen ein spitäl 
und solt dich selben ziehen drin. 
ich var mit dir in vrier wal. 
al unser habe suln wir dar sein 
und für der werlte trügenheit 
daz süeze himellant erweln.*