16
DER WINSBEKE
39 Sun, du solt kiuscher worte sin
und stöetes muoles. tuost du daz,
so habe ez uf die triuwe min,
du lebst in eren deste baz.
5 trac niemen nit noch langen haz,
wis gen den vinden wol gemuot,
den friunden niht mit dienste laz,
da bi in zühten wol gezogen,
und grüeze den du grüezen solt,
so hat dich saelde niht betrogen.
40 Sun, höchvart unde gitekeit
diu zwei sint boese nachgebur:
an den der tievel sich versneit,
daz im sin süeze wart ze sür,
5 sin schoene swerzer danne ein Sur:
in sieht noch hiute und iemer mö
ze helle drumbe ein bitter schür,
der in den schulden funden wirt,
dem git in sinem hüse rüm
der selbe swarze hellewirt.
41 Sun, ich hän lange her vernomen,
swer über sich mit höchvart wil,
daz im sin leben mac dar zuo körnen
daz sich vervellet gar sin spil.
5 ein ieglich man hat eren vil
der rehte in siner maze lebet
und übermizzet niht sin zil.
swer sich so ziuhet unde ie zöch
daz in sin fuore machet wert,
der wirt an eren billich hoch.