& 24 
222. Er vrägte, wä fi waeren durch vehten hin geriten. 
fi fprächen: »ze Portegale da haben wir geftriten. 
des wolte uns niht erlägen der edele künic riche, 
er enfchadete uns in der marke aller tage tegeliche.« 
223* Do fprach der junge Hetele: »nü lät e^ hine gän. 
ja waene ich, Wate der alte der welle niht län 
die marke da ze Stürmen, da er da fizet inne. 
danc hab er des immer, der im eine burc an gewinne.« 
224. Die helde giengen fizen in einen palas wit. 
mit tumplichen wizen begundens reden fit 
von edeler vrowen minnen Höranl unde Fruote. 
der künic hörte e^ gerne, dar umbe gab er in miete guote. 
225. Hetele Höranden biten dö began: 
»ift dir da£ maere künde, du folt mich wi^en län, 
wie ftet e^ umb vroun Hilden die jungen küniginne? 
der wolte ich minen dieneft unde mine botefchaft heilen bringen.« 
226. Dö fprach der degen küene: »e^ ift mir wol erkant. 
maget alfö fchoene ich mere nie bevant 
alfö von Irlande Hilde die riehen, 
des wilden Hagenen tohter. ja ftüende ir ein kröne lobeliche.« 
227. Hetele dö vrägte : »möhte da£ gefin, 
da^ mir ir vater gaebe da^ fchoene magedin? 
diuht ich in fö biderbe, fö wolte ich fi minnen 
und wolte im immer Ionen, der mir die maget hülfe gewinnen.« 
228. »Da^ mac fich niht gevüegen,« fprach Hörant. 
»ze boten ritet nieman in da^ Hagenen lant. 
des wil ich mich zewäre nimmer vergähen. 
fwen du boten fendeft, den heißet man da flahen oder hähen.« 
229. Dö fprach aber Hetele: »mir ift näch ir alfö not. 
hähet er mir einen, dar umbe müefe tot 
felbe geligen Hagene der künec von Irriche. 
er ift nie fö vrevele, im enkome fin grimmer muot vil fchedeliche.« 
230. Dö fprach der degen Fruote: »wolte Wate fin 
gegen Irlande nü der bote din, 
fö möhte uns wol gelingen und braehten dir die vrouwen, 
oder uns würden wunden üf da£ herze al durch den lip gehouwen.« 
231. Hetele der herre fprach: »dä wil ich hin 
fenden zuo denStürmen. än angeft ich des bin, 
Wate rite gerne fwä hin ich im gebiute. 
heißet mir von Friefen körnen Irolden unde fine liute.«