© Hessisches Staatsarchiv Marburg, Best. 340 Grimm Nr. L 26 
qui nos crucis munere 
mortis solvisti legibus. 
Te nunc orantes poscimus 
tua conserves munera 
quae per legem catholicam 
cunctis donasti gentibus. 
Tu verbum patris aeterni 
ore divino editus 
Deus ex Deo subsistens 
unigenitus filius. 
Te universa creatura 
mundi fatetur dominum 
jussu patris inchoata 
tuis perfecta viribus. 
Tibi omnes angeli 
coelestem praestant gloriam 
te chorus archangelorum 
divinis laudant vocibus. 
Te multitudo seniorum 
bis duodenus numerus 
odoramentis plenas gestant 
supplex adorant pateras. 
Tibi Cherubin et Seraphin 
throni paterni luminis 
senis alarum plausibus 
clamore jugi personant. 
Hymnus VII. matutinus, feria VI. Thom. 412. 
6, 3. I. gestans. 
6, 4. I, adorat.