Full text: Hessenland (37.1925)

217 
hadde ich noch en anneren Junge uffgegawweld, der 
au midde ging. Mä dibbelden also midden ahlen 
Schaumburg uff d'n Forschd. Do simme nu d'n 
gansen Morsen zwischen d'n Kihwen rimmer gehibbed 
un honn ludder Dummheiden gemachd. Dem ahlen 
Schaumburg hommä Schbaß gemachd, den Kihwen, 
glauwe ich, awer nidd, die homme immer midd Dreck 
geschmessen. 
No en bar Schdunnen wurde 's mä awer doch en 
bißchen ängsderlich ze Müde. Nun kam au noch 
derzu, ich hadde minne Midze verloren. Ich fing 
an ze krischen, un d'r ahle Schaumburg sahde: „Gehd 
heim, Jungens!" Wie me uff de Schdroße kamen, 
homme immer de Liede gefrogd: „Wo gehd's dann 
hier no Kassel?" bis mä dann an's Dohr kamen, do 
wußde me lutbber Bescheid. Derheime gab's dann 
von Minnen Vadder 'ne Drachd Hiewe^ ich glauwe, 
es war haubdsächlich wegen der verlorenen Midze. 
Donwls schdand au noch d's ahle Gefangenhuß am 
Ahleneischdädder Kerchbladze, do, wo d's neie. jidzd 
au schdehd. Es war awer veele kleiner. An d'r 
Schdroße ivar 'ne Mure, hinner d'r Mure war 'n 
kleiner Hob, un dann kam erschd d's 5)uß. Uff d'n 
Howe schdand 'n Baum, un an d'r Mure 'ne Zeide. 
Das sah alles so scheene friedlich un gemiedlich 
uß, als wann in dem Hufe nur gude Liede wohnden. 
Awer 'ne Wache un 'n Posden lvar do, daß de Ge 
fangenen nidd usrissen kunnden. Den Saldaden 
machde's immer Schbaß, wammä Jingelerchen us 
der Kennerschule kamen un sungen: „Bieblein, wirsd 
du ein Rekrudd, schlah d'n Haubdmann uff de 
Schnudd." Dann lachden se iwwer uns und sahden: 
„Die weren mo gnd." 
'n Johr schbeeder kam unse Kennerschule vor d's 
Hollänschc Dor, do wo d'r Fannenschdiel sinne 
Werdschafd hadde. Do simme nidd lange geblewwen 
un zöchen vor d's Weserdor. Das Huß war, glauwe 
ich, de Augusden-Schdifdung gewesen un schdand do 
an d'r Ecke, wo jidzd de Jungen-Birjerschule schdehd. 
Me mußde erschd iwwer 'n Hob gehen, wamme ins 
Huß wullde; uff dem Howe schdand 'n Bumbel- 
brunnen. Uff d'r anneren Siede vun d'r Schdroße 
war d's knrfirschdliche Holsmachezin un de Wilberd- 
schirne, d's schdäddische Holsmachezin war mehr no 
d'r Schdadd zu, wo jiz de Kribbe äs. In disser 
Schule blewwen mä awer au nur so lange, bis de 
neie Kennerschule ferdich war. Die lag au an d'r 
Weserschdroße zwischen d'r Ahnebricke un 'nenKatzen- 
schbrung, do schdehd se Heide au noch. 
De Dande Hermann, das war de erschde vun den 
Danden, das war so 'ne gude Frau. Die hadde — 
das honn ich awer erschd geheerd, wie ich schunn 
ald war — d's ganse Geld vor de neie Kennerschule 
zesammengebeddeld, mid'n Klingelbiedel äs se vun 
einen Huß ins annere gegangen bis de Schule 
gebaud weren kunnde. So gud nu au de Dande Her 
mann war, ich knnnde das domols als kleiner Fisd 
nidd insehn, ich honn se doch manchemo geärjerd. 
Nadierlich wullde ich se nidd ärjern, das kam gans 
Vun selwer. Eimo hadde ich mid'n Schdein ins. 
Kichenfensder geschmessen unne Schiewe zerkliw- 
werd. Ach, du liewer Godd, ben ich do geschimbed; 
ich war d'r ungezochensde Junge, der's iwwerhaubd 
gab. Ich sullde awer au geschdrofd weren; se schberr- 
den mich in 'ne Schdowwe in un schlossen hinner 
mä zu. Wie ich mich awer imme gock in der 
Schdowwe, do lachde mä d's Herze im Liewe. Ludder 
Schbeelsachen schdanden do drinne. Bubbeln, Sä- 
wel un Gewehre, Schäfereien un 'ne Arche Noah un 
was sunsd noch alle. Au Bauklezzerchen waren d'r- 
bie, die machden mä am meisden Schbaß, die gefielen 
mä so gud, daß ich se in de Kibbe schdobbede un 
midde heim nahm. Wie ich awer d'rheime d'rmidde 
schbeelen wullde, frochde minne Mudder, wo ich 
dann die Klezzerchen her hädde. Do honn ich gans 
frech gelochen, ich hädde se uff Räwels Zimmerblatz 
gefunnen. Schwabb! hadde ich rechds un links eine 
uff'n Backen. Se hadde's dann au bahle ruß, wo 
de Klezzerchen her waren, un ich mußde se in der 
Schule Widder abliwwern. Minner Mudder kunnde 
ich iwwerhaubd,so leichde nix vormachen, die kannde 
ehre Schdesfelchen zu genau. Ich weiß, eimo war 
ich d'rheime alleine un schbeelde in d'r Schdowwe 
rimher. Bor d'n Fensder schdand grade de neie 
Kichenlambe, das war unse erschde Lambe mid Be- 
drolejum, sunsd haddeme noch en zinnernes Lichd 
mid Schbareel. Bie minnen Schbringen un Hibben 
in der Schdowwe rim hadde ich nu de neie Lambe 
runnergeschmessen un d'r Zilinder war kabudd. Do 
krechd ich's nu mid d'r Angesd ze duhne, ich dachde, 
was schbrichesde jidzd nur. Do fiel me unse Katze in, 
richdich, die muß'es gedohn honn. Wie minne 
Mudder heim kam, ging ich glich uff se los un sahde: 
„Do guckemo, was dinn Kätzchen gemachd hodd." 
Ich hadde kaum d's Word ruß, do hadd ich au 
schunn 'ne Ladung Ohrfichen, die kies mä kein Jidde 
Widder ab. 
In d'r Kennerschule lernde me au schunn 'n baar 
Buchschdawen lesen un schriewen. Am liebjden machde 
ich en d un 'n i, d's c kunnd ich nidd lieben, weil 
do der Schnirkel owen druff mußde. Awer so'n i 
war zu scheene, schunn wejen dem Tibbelchen, un 
das Tibbelchen wurde dann au immer so groß ge 
machd wie 'n Karduffelkloß. Un uß d'r Biewel 
lernden me au schunn 'n bißchen. Den Bsalm: „Der 
Herr isd mein Hirde, mir wird nichds mangeln" 
kunnd ich gans ussewennich. Min Unglicke awer 
wullde's, daß das de großen Jungen am Dibben- 
marked gewahr wurden. So wie ich mich uff d'r 
Schdroße blicken ließ, holden se mich herbie, ich 
mußde mich midden unner se schnellen un den Bsalm 
herschbrechen. Wann ich's awer nidd dahd, dann 
Handen se mich. Vun der Zidd an kunnd ich den 
Bsalm nidd mehr lieden.- De großen Jungen machden 
iwwerhaubd mid uris kleinen, was se wullden. Eimo 
honn se mich in d'n Kaufmann Krollfeifer sinnen 
Laden geschicked, ich sullde vor'n Dreier „Buckelblau" 
holen. Anschdadd Geld haddense mä 'n Schdeinchen 
innen Babier gewickeld. Uff Krollfeifers Hußehren 
war nff d'r Äre son' Holsdeckel, do war de Äbdridds- 
grnwe drmidde zugedecked. Ehr ich nu in d'n Laden
	        

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.