* 
1* 
Ein wiser man het einen suon, 
der was im liep als manger ist. 
er wolt in leren rehte tuon; 
er sprach also, c min sun, du bist 
5 mir liep an allen valschen list: 
bin ich dir sam du selbe dir, 
so volge mir ze dirre vrist, 
die wile ich lebe; ez ist dir guot. 
ob dich ein vrömder ziehen sol, 
du weist niht wie er ist gemuot. 
2 Sun, innecliche minne got, 
so enkan dir niemer missegan; 
er hilfet dir uz aller not. 
nu sich der werlte gougel an, 
5 wie si ir volger triegen kan 
und waz ir Ion ze jungest ist: 
daz solt du sinnecliche verstan. 
si wigt ze löne swindiu lot: 
der ir ze willen dienen wil, 
derst libes und der s61e t6t.